Chapchar Kut 2023 Report
Mizo Society of America huaihawtin May 27 leh 28, 2023 khan Indianapolis khawpui-ah Chapchar Kut hlawhtling taka hman a ni a.
Kut chhim turin state hrang hrang atangin mikhual sang 1 vel an kal a. MSA Kumpuan thupui “Zofate Inpumkhatna Kawnga Hmalak” tih hmanga thusawitu, Khuallian, Central YMA General Secretary chuan
“Mizote hi khawi hmunah pawh awmin ram hrang hrangah ram mi nihna nei mah ila, Chhinlung chhuak unau kan nihna i vawng tlat ang u. Ramri kar danah awm mah ila chhul khat kual kan nihna hriat leh vawnhim tlat a tul.
Zofate kan impumkhat nan Zohnahthlak hnam hrang hrang hruaitu ten mawhphurhna kan nei lian,” tiin inpumkhatna nei tura mawhphurhna hlen chhuak turin a sawm.
Chapchar Kut lawmna ah hian football/soccer, volleyball inelna buatsaih a nih bakah lem inziahsiakna te, thu inziahsiakna te a awm a. Chapchar Kut miss thlanna neih a ni bawk. Hnam lam chi hrang hrang, zai leh beng titlai tak tak thlirho a ni bawk.
Khuallian CYMA General Secreatary, Prof. Dr. Lalnuntluanga leh Central MSA OB te inkawmin Mizoram hmasawnna tura pawl pahnih thawhho dan a awm em tih an sawiho a.
MSA hian CYMA hnenah raltlante tanpui hna an thawhna atan Indian Rupees nuai 10 pek an rem ti.
