New York Branch-in Inkhmuhkhawmna Hun Hlimawm Hmang

August 6, 2022 khan Rochester khua-a Hamlin beach-ah NY state hmun hrang hrang atangin MSA member-te an fuankhawm a. NY branch hi an awmna te a inhlat a, New York City-ah te, Rochester-ah te, Syracuse leh Buffalo-ah te an awm a, branch huapa inhmuhkhawm hi thil harsa tak a ni.

Hemi ni hian hunserh tawi an hmang a, lekha zir hlawhtling mi 5 hnenah chawimawina certificate-te an hlan a, khawtin atangin hnam lam leh zai te an nei thei a, an fakawm hle mai.